Carte   Imprimer   Signaler


Hoi Zäme, ich bi d‘Nola und bi 14nii und wohne in Wolhusen 6110, also wärs schön, wenn dis Rössli ned allzu wiit wäg wörd stoh: )

Ich rite siit zerka 5 Johr aktiv ih Riitstonde ond ha au en Riitbeteiligung uf emne Schueli. Ich ha letzt Novämber (2024) s‘Diplom bi üs am Stall abgschlosse.

Ich bi uf enere Suechi nachere Ritbeteiligong, uf emne private Rössli. Werom ich ufhöre möcht bi minere Riitbeteiligung bhalt ich för mech wells privati Grönd send. Ich sueche es Rössli met dem mer eifach spass ha chan und kei grobi Unarte hed. Also kei Bocke oder dörebrönne. Es Freudespröngli macht nüd, aber ich glaube du weisch was ech meine: ) Ich fänds schön, wemmer vielleicht chönti go usrite und aber trotzdem au ufemne Platz/Riithalle schaffe chönt. Wenn dis Rössli au chli Spass ah paar chline Sprönglis hed, wärs cool, aber natürlech isch es au ned schlemm, wenn dis Rössli ned möchti/chan Sprenge.

Ich riite sälber no ned perfekt, aber deför Angstfrei. De nötigi Respäkt vor dene Tier isch natülech da, aber ich bliibe ruhig, au wenn s’Rössli mal chli spennt. Ech eher uf de Suechi nach emne erfahrene Rössli. Natürlech be ech au offe för s‘Gägeteil, aber ich fühle mech no ned so rechtig parad för es jongs Ross, wells sälber au nö vell lehre mues so wie ich äbefalls.

Videos chan ich gärn uf ahfrog schecke, sowie en usfüerlecheri Beschriibig vo mer: ))

Falls ihr s‘Gfühl hend, dass es chönti passe wörd ich mech öber en Nochrecht vo der und dim Rössli freue, vielleicht bes bald

Nola

---

👍 Lade Freunde auf trovas ein und verdiene 10 CHF für jede Person